Мысырда екі пойыз соқтығысып, жеті адам қаза тапты
Мысырда екі пойыздың соқтығысуы салдарынан жеті адам көз жұмды. Қаза тапқандардың арасында пойыздардың бірінің машинисі бар.
Бөлісу
Тағы кемінде 100 жолаушы жарақат алған. Құтқарушылар оқиға орнында жұмысын жалғастырып жатыр.
Апат Гиза мен Каир қалаларының оңтүстігінде болған. Соқтығыс салдарынан пойыз вагондары рельстен шығып, теміржол үйіндісіне құлаған.
Мысыр президенті Абдель Фаттах ас-Сиси апаттың себептерін анықтау үшін тергеу жүргізуді тапсырды.
