Қостанайда зейнеткерді өлтірді деген күдікпен жасөспірім ұсталды
Қостанайда 86 жастағы ер адамды өлтірді деген күдікпен 17 жастағы жасөспірім ұсталды.
Бөлісу
Бұл туралы «Наша Газета» басылымы хабарлады.
«Жедел-іздестіру іс-шаралары барысында полиция қызметкерлері күдіктіні анықтап, ұстады. Ол уақытша ұстау изоляторына қамалды» деп хабарлады Қостанай облыстық полиция департаменті баспасөз қызметі.
Аталған дерек бойынша қылмыстық іс қозғалды.
«Күдікті кеше, 4 қарашада ұсталды. Қазір тергеу амалдары жүргізіліп, оқиғаның барлық мән-жайы анықталып жатыр» деп жазылған полиция хабарламасында.
Басылым мәліметінше, қылмыс 30 қазанда Көбеев көшесінде болған. Әлеуметтік желілерде тараған ақпаратқа сәйкес, қарт адамның мәйіті тұрғын үй ауласындағы орындықта табылған.
