KZ
RU KZ

Ақтөбеде авиация генерал-майоры мен подполковник ұсталды

12 қараша күні таңертең Қаржылық мониторинг агенттігі тапсырмасымен екі әскери офицер ұсталды.

Тимур Еспагамбетов
Тимур Еспагамбетов Фото: Әуе қорғанысы күштері

Олар пара алды және пара берді деп күдіктеліп отыр.

Ақтөбеде Әуе қорғанысы күштері әскери институтының бастығы, авиация генерал-майоры Еспагамбетов пен институттың азық-түлік қызметінің бастығы, подполковник Исаходжаев ұсталды. «Ақ Жайық» басылымының хабарлауынша, офицерлерге пара алу және пара беру күдігі тағылған.

Басылым мәліметінше, 12 қараша күні таңертең Ақтөбе облысы бойынша Экономикалық тергеп-тексеру департаментінің қызметкерлері Қаржылық мониторинг агенттігінің (ҚМА) тапсырмасымен арнайы операция жүргізген.

Алайда әзірге бұл ақпаратқа қатысты ресми растау жоқ.

Бұған дейін, 11 қарашада Астанада «Самұрық-Қазына» қорының басшысы Нұрлан Жақыпов пен «Қазақстан темір жолы» ұлттық компаниясының басшысы Елжас Отыншиев ұсталған болатын. Олар сыбайлас жемқорлық қылмысын жасады деген күдікке ілінген.

Еске салсақ, 13 қарашада  Қасым-Жомарт Тоқаев көлік-логистика саласын дамыту мәселелері бойынша Қауіпсіздік кеңесі отырысын өткізеді. Бұл туралы президенттің  баспасөз хатшысы Айбек Смадияр хабарлады.

Жиында Тоқаев сыбайлас жемқорлыққа күдікті «Самұрық-Қазына» мен «Қазақстан темір жолы» компаниялары басшыларының ұсталуына қатысты мемлекеттің ұстанымын жариялайды.

Материалмен бөлісу
Біз cookie файлдарын қолданамыз
Cookie файлдары сайтты жақсартуға және трафикті талдауға көмектеседі. Толығырақ — Құпиялылық саясатында.